२७ साउन, काठमाडौं । स्वास्थ्य तथा जनसंख्या मन्त्रालयका अनुसार मंगलबार देशभर थप ६३८ जनामा कोरोना संक्रमण पुष्टि भएको छ । गएकाे २४ घण्टामा १० हजार ५ सय ६२ जनाको परीक्षण गर्दा ६३८ जना संक्रमित भेटिएका हुन् ।
मन्त्रालयका अनुसार कोरोना भाइरसको कुल संक्रमित संख्या २३ हजार ९ सय ४८ जना पुगेको छ । जसमध्ये आज १ सय ७१ जना डिस्चार्ज भएका छन् । अहिलेसम्म १६ हजार ६ सय ६४ जना कोरोना संक्रमित निको भई घर फर्किएका छन् भने मृतकको संख्या ८३ पुगेको छ ।