साउन २७, काठमाण्डौ । हामी सेवा गर्छौै भन्ने मूल नाराका साथ संगठित अन्तराष्ट्रिय सामाजिक संस्था लायन्स क्लबले पहिरो पिडित सिन्धुपाल्चोकबासी लाई राहत वितरण गरेको छ ।
निरन्तर बर्षाको कारण पहिरो गई घरबारबिहिन हुन पुगेका सिन्धुपाल्चोक जिल्ला ड्राइपोर्टका ६० घरपरिवारलाई लायन्स अन्तराष्ट्रिय डिस्ट्रिक्ट ३२५ बी १ अन्तर्गत लायन्स क्लब अफ काठमाडौं आधार र लायन्स क्लब अफ काठमाडौं अर्पणको संयुक्त प्रयासमा आफ्नै क्लबका सदस्यहरुबाट संकलन भएको रकमले खाद्यान्न, माक्स लगायतका राहत सामग्री खरीद गरी हस्तान्तरण गरिएको हो ।
डाईपोर्टको भन्सार कार्यालयमा आश्रय लिएर बसेका उनीहरुलाई राहत सामग्री वितरण गर्न दुवै लायन्स क्लबका पदाधिकारी तथा सदस्यहरु काठमाडौंदेखि प्रस्थान गरेका थिए । राहत वितरणमा सहभागी लायन्स क्लब अफ काठमाडौं आधारका अध्यक्ष लायन धनु माया सिंजालीका अनुसार उक्त क्षेत्रमा अहिले पनि निरन्तर पहिरो गइरहेको र पिडितहरु समस्यामा रहेका छन् ।
